الناس متل الشجر يا سامعين
شبهت صورة بين حور وياسمين
في ناس كل ما علي صوتهن زادوا ضجيج
وناس قالوا الحكم هن وساكتين
***
كل شي غنينا يا ليل وصدى
لا فهموا علينا ولا زقف حدا
تاري الزمان زمن الطرشان
يا لا لا لي أمان على هيك زمان
***
يرحم إيامك يا عبد الوهاب
سكتوا البلابل غني يا غراب
سامع رقص ودبيك
فرخة بترقص مع ديك
كيف معقولة يا شريك
تبقى سهران
في هيك زمان أهله طرشان
يا لا لا لي أمان على هيك زمان
***
كسرلي عودك يا ابو الألحان
ما عاد وجودك خفة ولمعان
حاجة تغني وتنبح
في عصر السح اندح
بين الغلط والصح ضاع الفنان
تاري الزمان زمن الطرشان
يا لا لا لي أمان على هيك زمان —
Aucun commentaire:
Enregistrer un commentaire