حبيبى يا موكب حب
يا دفا للقلب
يابحر من الحنان
يا امى وابويا وصاحبى واخويا ..
ونصيبى من الزمان
اسقينى ياحب عمرى اسقى القلب العطشان
ده كأنى مافارقتك ابداً لحظة من الزمان
يا حبيبى
يا سلام يا حبيبى على حبك يا سلام
والراحه ياعينى وانا جنبك يا سلام
اسقينى يا حب عمرى من الفرحه ومن الحنان
اسقينى دا الفرح وردى دا من زمان عطشان
دنا من ساعة ما شفتك حسيت بالامان
وكانى ما فارقتك ابدا لحظة زمان
حبيبى بحبك اه نور عينى بحبك
روح قلبى بحبك وكفايه اللى جرى
جرالك ايه وانت بعيد جرالك ايه
وحصلك ايه وانت وحيد حصلك ايه
نشكى ولا ننسى ونبتدى من غير عتاب
نبكى يبقى لسه فى القلوب باقى العذاب
يلا ننسى ننسى حبنا اكبر واكبر من اللى كان
يلا ننسى ننسى حبنا مقدرشى يطويه الزمان
حبيبى بحبك اه نور عينى بحبك روح قلبى بحبك
وكفااااااااااااااااااااايه اللى جرى
كلمات الشاعر عبد الوهاب محمد و الحان الموسيقار بليغ حمدى
Aucun commentaire:
Enregistrer un commentaire