جايين الدنيا ما نعرف ليه ؟
ولا رايحين فين ؟
ولا عايزين إيه ؟
مشاوير .. مرسومة لخطاوينا
نمشيها ف غربة ليالينا
يوم .. تفرحنا
ويوم .. تجرحنا
واحنا ولا احنا عارفين ..ليه ؟
ليه ؟ ليه ؟
وزي ما جينا
ومش بايدينا
زي ما رمشك خد لياليا
وحكم وأمر فيها وفيا
ولقيت بيتي بعد الغربة .. قلبك ده
وعيونك دية
ولقيت روحي .. ف أحضان قلبك
بحلم وأصحا وأعيش علي حبك
حتى ف عز عذابي بحبك
عارف ليه ؟
من غير ليه
من غير ليه يا حبيبي .. بحبك
***
ياللي زماني رماني
رماني
ف بحر عينيك ونساني
وقاللي انساني
بحر عينيك .. يا حبيبي غريق
لكن فيه احلي ليالي زماني
توهت وتاهت دنيتي مني
بين أفراحي .. وبين أشجاني
دنيتي غنوة .. لأ
وردة جنينة .. لأ
لأ شيء تاني .. لأ شيء تاني
دنيتي حبك .. حاجة حاسسها
لامسها .. شايفها
لكن ولا أوصاف توصفها
***
وأحلم لو غمضت عينيا
أحلام حلوة .. كتير وردية
فيها عيون .. وخدود .. وشفايف
بتطير بيا .. فوق لياليا
أما بشوفك .. ألقاك تحلو الاحلام
كل الاحلام
ياللي ايديك صهرتلي الدنيا
ورمشك حضن السحر ونام
وده ليه يا تري .. يجرالي اللي جري
وأما بفكر .. أسقيك أكتر ما بتسقيني الحب ليالي
ما ألقاش فرحة جت علي بالي
إلا وحبك فرحهالي
وزي ما جينا
ومش بايدينا
زي ما رمشك خد لياليا
وحكم وأمر فيها وفيا
ولقيت بيتي بعد الغربة .. قلبك ده
وعيونك دية
ولقيت روحي .. ف أحضان قلبك
بحلم وأصحا وأعيش علي حبك
حتى ف عز عذابي بحبك
عارف ليه ؟
من غير ليه
من غير ليه يا حبيبي .. بحبك
***
حبيبي .. آه يا حبيبي
كل ما فيك يا حبيبي حبيبي
شعرك ليلي
جبينك قمري
حبك رحلة عمري .. وقدري
ليلي حلي .. عمري حلي
وكل شيء ف الكون حلي
لكن هنا تنهيدة .. تنقال م اللي
م الخوف ما خلي
تقول يا فرحة اتمهلي
واتمهلي واتمهلي
ده المبتلي بالحب .. مهما اتهنا
برضه مبتلي
***
خايف طيور الحب تهجر عشها
وترحل بعيد
خايف علي بحر الدفا .. ليلة شتا
يصبح جليد
خايف لبكرة يجينا .. تاخدنا من ليالينا
سكة عذاب .. تاه فيها أحباب
أحباب كتير قبلينا
أنا خايف
عارف ؟
عارف كل الخوف من بكرة ده ليه يا حبيبي ؟
عارف سر عذابي وحيرتي ده ايه يا حبيبي ؟
عشان إنت الروح للدنيا اللي بعيش فيها
ده أنا من غيرك كل حياتي تضيع بعديها
وزي ما جينا
ومش بايدينا
زي ما رمشك خد لياليا
وحكم وأمر فيها وفيا
ولقيت بيتي بعد الغربة .. قلبك ده
وعيونك دية
ولقيت روحي .. ف أحضان قلبك
بحلم وأصحا وأعيش علي حبك
حتى ف عز عذابي بحبك
عارف ليه ؟
من غير ليه
من غير ليه يا حبيبي .. بحبك
***
مش معقول يا حبيبي .. يا حبيبي
أبدا أبدا مش معقول
القدر اللي هداني بحبك
يوم م الأيام يبقي عزول
مش معقول حبنا يا حياتي
يقدر يقسي وينسي أحبابه
بعد ما كنا ف حضنه ليلاتي
نرجع تاني .. نقف علي بابه
روح يا حزن روح .. إوعي تقرب لينا
ده احنا حبايب .. حبنا مهنينا
والحب روحنا .. وأرضنا وسمانا
ويا حزن قوللي منين بقي حتجينا
***
علي بيتنا بالحب النجوم متجمعة
علي بابنا شجرة ورد حلوة مفرعة
علي كل شباك ألف شمعة مولعة
ويا حزن قوللي منين بقي حتجينا
روح يا حزن روح .. إوعي تقرب لينا
ده احنا حبايب .. حبنا مهنينا
والحب روحنا .. وأرضنا وسمانا
ويا حزن قوللي منين بقي حتجينا
***
يا عيون قلبي يا أحلي عيون
يلا نعيش وكفاية ظنون
يلا نخلي عمرنا كله
كله كله ليلة
ليلة بعيدة .. بعيدة
عن الحرمان .. وعن الأحزان
وإن لام حد علينا نقوله
لولا الحب ما كان في الدنيا ولا إنسان
Aucun commentaire:
Enregistrer un commentaire